Dobrir lo menú principal

La dinastia salomoniana es una dinastia d'Etiopia apareguda au sègle XIII. Dirigiguèt lo país de 1270 a 1974 franc d'un periòde d'interupcion de 1855 a 1889. Foguèt fondada per lo negus Yekuno Amlak (1270-1285) après la capitada d'un còp d'estat còntra lo darrier sobeiran de la dinastia zague. Per legitimar son poder, proclamèt èsser un descendent escondut dau rèi ebrieu Salomon e de la rèine de Saba. Aquò donèt son nom a la dinastia e una òbra literària medievala importanta foguèt redigida per donar una basa mitologica a aquelei pretencions (en particular ambé l'epopèia Kebra Negast). Lei reglas de succession au sen de la dinastia foguèron pas totjorn claras e i aguèt mai d'un cambiament de linhatge car lei successions oncle-nebòt foguèron pas raras.

Après la revolucion etiopiana de 1974, plusors membres de la dinastia foguèron arrestats e aquelei que demorèron en libertat deguèron s'exilar. Dempuei 1991, an tornarmai lo drech de viure en Etiopia e certanei son rintrats s'installar dins lo país.

Liames intèrnesModificar

BibliografiaModificar

Nòtas e referénciasModificar