Azòt liquid
(Redirigit dempuèi Diazòt liquid)
L’azòt liquid es una apelacion que correspond au diazòt liquid. Es un liquid criogenic fòrça utilizat en causa de sa temperatura fòrça febla (-196°C) e de còst fòrça feble a respèct deis autrei liquids criogenics. Sei domenis principaus d'aplicacion son lei servicis espitaliers que dèvon conglaçar de mòstras biologicas (sang, gametas...) e lei sectors que dèvon refrejar d'equipaments necessitant una temperatura fòrça freja per foncionar (aparelhs de laboratòri, equipaments medicaus, ordinators...). D'aplicacions segondàrias son la congelacion de norridura ò de bornèus per i arrestar una circulacion de liquid.
