Lo Deuteronòmi es lo cinquen libre de la Bíblia ebraïca o Ancian Testament e darrier de la Torah (lo Pentateuc crestian). Conten los racontes daus darriers discors de Moïses aus israelitas e lo raconte de sa mòrt, avans l'entrada dins lo País de Canaan, sus l'autra riba de Jordan. Lo nom ven dau grec τὸ Δευτερονόμιον tò Deuteronómion «la segonda lei», perque forma un segond còde de leis, aprep 'queu de l'Exòde. En ebrieu se ditz דברים Devarim, valent a dire 'paraulas', que son los prumiers mots dau texte.