Desplegant Wikimedia

Pel document


Rejónher l'associacion modificar

Vos convidam a participar a las activitats de l'associacion. En venent membre de Wikimédia France, demostratz vòstre sosten actiu als projèctes Wikimédia. Mas tanben:
• contribuissètz al finançament de l'associacion,
• li donatz mai de pes dins sas relacions amb sos interlocutors,
• participatz a las manifestacions e reünions divèrsas organizadas per l'associacion, e en particular als acamps generals, ont contribuiretz a definir las orientacions de l'associacion,
• sètz informat regularament de las activitats de l'associacion,
• podètz escambiar d'idèas amb los autres membres per mejan del site Web ad hoc e de las listas de difusion.


Far un don modificar

Los vòstres dons a Wikimédia France nos permeton de menar de campanhas d'informacion e de sosténer financièrament de projèctes coma de numerizacions o d'operacions fotograficas. Los dons a Wikimédia France son deductibles dels impòstes, segon l'article 200 del còde general dels impòstes. Se desiratz de nos ajudar d'autres biaisses, esitetz pas a nos contactar a: info@wikimedia.fr. Tanben podètz contribuir als projèctes Wikimédia en apondent de tèxtes, o de documents multimèdia jos las licéncias apropriadas. Vos mercejam d'avança del vòstre sosten, quin que siá !

Nos contactar modificar

http://www.wikimedia.fr info@wikimedia.fr


Coordenadas bancàrias modificar

Wikimédia France Société Générale - Ville la Grand Detalhs bancaris per viraments
Beneficiari : Wikimédia France banca : 30003 agéncia : 00393 compte : 00037286024 clau : 68 Identificacion internacionala IBAN : FR76 30003 00393 00037286024 68
BIC-adreça SWIFT : SOGEFRPP

Oblidetz pas de nos comunicar las vòstras coordenadas (per corrièr electronic, bulletin papièr o autrament), que sens aquò vos poirem pas mandar de recebut.

Chècs A l'òrdre de « Wikimédia France », adreçats per corrièr al clavaire, en precisant se se tracta d'un don o d'una cotisa. Jean-François Gaffard Wikimédia France Longevelle 70700 Vantoux et Longevelle


Associacion modificar

Sostenir e partejar la coneissença liura. Totes los imatges provenon de Wikimedia Commons : http://commons.wikimedia.org. Fèsta de l'umanitat : David Monniaux, CC-by-sa-2.0-fr. Presidencialas : Guillaume Paumier, CC-by-sa-2.5. Libres vièlhs : Tom Murphy VII, CC-by-sa-2.0. http://www.wikimedia.fr Wikimédia France


Qual sèm ? modificar

Wikimédia France es una as­sociacion segon la lei de 1901, de tòca non lucrativa, creada en 2004. Sos objectius son la difusion de la coneissença liura e la promocion e lo sosten dels projèctes de la Wikimedia Foundation. Concretament, sèm una associacion d'utilizaires dels projèctes Wikimedia, coma Wikipèdia, l'enciclopèdia liura, gratuita e multilingüa sus Inter­net. Los projèctes Wikimedia son de wikis. Lor contengut es creat, mo­dificat e melhorat de longa per los inter­nautas. Wiki es lo nom de la tecnologia web que permet a tot visitaire de modificar en temps real la pagina que consulta. Amb aquel sis­tèma dobèrt lo desvolopament dels projèctes es fòrça dinamic, mas tanben son possiblas de derivas que ne cal èsser informat. Lo contengut es liure. Los autors autorizan l'utilizacion de lor contribucion per totes e per tot usatge (quitament comercial), sa modificacion e sa redistribucion (cò­pias). Atal, es encorajat de reütilizar lo contengut, de lo melhorar e de lo partejar amb sos amics, sos escolans, etc. Aquesta filosofia d'escambi e de partiment permet d'afavorir l'accès de totes al saber. Lo contengut se vòl neutre. Los projèctes Wikimédia visan pas a promòure d'opinions particularas. Es en foncion del contengut, neutre e objectiu, que lo lector se fa son opinion pròpria.


Que fa Wikimédia France ? modificar

Informar suls projèctes Lo grand public a d'interrogacions legitimas a prepaus de la fisabilitat dels wikis. Wikimédia France organiza e participa a de conferéncias, de talhièrs, de taulas redondas o d'eveniments mai largs, pr'amor d'explicar lo foncionament dels projèctes wiki. Es per l'informacion que lo public aprendrà d'utilizar los projèctes Wikimédia per çò que son: una font d'informacion demest d'autras, qu'a sos limits. Wikimédia France prepausa tanben de documents (guidas, brocaduras, presentacions) destinats a la promocion e l'utilizacion dels contenguts. Interven alprèp dels documentalistas e del mond de l'ensenhament, e servís d'interlocutor privilegiat per la premsa. Ajudar los contributors Wikimédia France, en qualitat d'estructura associativa, ajuda sos membres a obténer d'acreditacions per de meetings politics o de salons tematics, per enriquir e illustrar los projèctes. Per exemple, gràcias a Wikimédia France, l'enciclopèdia Wikipèdia a pogut prepausar, abans lo primièr torn de l'eleccion presidenciala de 2007, de fòtos liuras de totes los candidats, que, d'alhors son estats largament reütilizadas, particularament per de mèdias « tradicionals ». Finançar de projèctes Los dons adreçats a Wikimédia France servisson tanben per finançar de projèctes que de particulars pòdon pas engatjar sols.


Numerizacions modificar

De tresaurs nombroses s'amolonan dins de cavas, de granièrs o de bibliotècas poscosas. Wikimédia France vos prepausa de prene en carga lor numerizacion, dins la mesura qu'aquestes documents son interessants, son pas disponibles ja en linha. Se coneissètz de tals documents, trantalhetz pas a nos contactar per nos sometre vòstre projècte !


Liberacion de contenguts modificar

D'unes contenguts pòdon èsser « liberats », es a dire que lor autor accèpta de los plaçar jos una licéncia liura en contrapartida d'una indemnitat que cobrís una partida dels beneficis eventuals que n'auriá pogut obténer. En foncion de la quantitat e de la qualitat del contengut, l'associacion Wikimédia France vos pòt ajudar a liberar aquestes contenguts.

Operacions fotograficas modificar

L'associacion pòt patrocinar d'operacions de presas de vistas, per de manifestations o dins de musèus. Per exemple, qualques contributors an pogut anar a las Eurockéennes de Belfòrt, e atal illustrar d'articles nombroses pertocant los artistas.


Vos tanben, rejonhètz l'associacion Wikimédia France e prepausatz los vòstres projèctes !