Daniele Barbaro
Daniele Matteo Alvise Barbaro (8 de febrier de 1514 - 13 d'abriu de 1570) es un umanista e un noble venecian dau sègle XVI que foguèt cardenau de la Glèisa Catolica, escrivan, diplomata e scientific. En particular, foguèt l'autor d'una traduccion en italian dei dètz libres d'arquitectura de Vitruvi e d'un important tractat d'optica dich La pratica della perspettiva (« La practica de la perspectiva » en occitan). Son trabalh contèn la premiera descripcion coneguda dau foncionament d'un diafragma. Ambé son fraire Marcantonio, foguèt tanben lo protector de mai d'un artista major (Tasso, Palladio, Veronese...) e son ostau (la Villa Barbaro) foguèt classada au Patrimòni Mondiau de l'Umanitat en 1994.
