Fondat en 2001, D'Aqui Dub es un grope de musica marselhés d'expression occitana. Emplegant d'instruments tradicionaus de l'alentorn mediterranèu, es dins la dralha de la trad'innovacion iniciada per de gropes collègas coma Mascaramirí ou Dupain. Es compausat d'Arnaud Fromont (cant, clarineta, bombarda), Charly Kochowsky (mandòla, fonfònia), Sylvain Buhler (bassa, baglama, mandòla shaabi), Mathias Blengino (batariá) e Djamel Taouacht (batariá, percussions).

D'Aquí Dub definís sa musica coma de «rebetik'òc» de la vòlha tranquilla. Sei tèxtes son eissits dau repertòri de poètas occitans tan contemporanèus (Rotland Pecot, Stéphane Ferraiolli, Alessi Dell'Umbria) coma passats (Frederic Mistral, Rodolphe Serre, Victor Gelu). Sa discografia conten per lo moment sonc'una collaboracion sus lo libre-disc dei Cançons provençalas de Victor Gelu mai tanben d'aparicions sus divèrsei compilacions (MicMac, l'Opus Compilator). Produguèron solets tanben d'albums corts non distribuits dins lo comèrci.

Sites Internet modificar