Cygnus X

Cygnus X èra un projècte de musica electronica alemand aparentat al sosgenre trance. Lo nom del grop ven del de l'estela binària a rais X Cygnus X-1.

Cygnus X es a l'origina una collaboracion entre Matthias Hoffmann (nascut en 1961) e Ralf Hildenbeutel, pasmens, lo dicht Ralf Hildenbeutel es pas demorat dins lo projecte.

Lo primièr album de Cygnus X, Superstring, es estat publicat en 1993.

Lo tresen simple, The Orange Theme (sens Ralf Hildenbeutel), sortit en 1994 en Alemanha, es lo tròç emblematic de Cygnus X : aquel instrumental repren la melodia de la composicion classica de Henry Purcell Music for the Funeral of Queen Mary, musica coneguda dins la cultura populara per èsser estada emplegada coma tèma musical màger dins lo filme A clockwork orange de Stanley Kubrick : lo títol d'aquel tròç de trance de Cygnus X, The Orange Theme (lo tèma irange), es plan solide una referéncia dirècta al dich filme.

En 1999, un novèl adobament de The Orange Theme a permés a n'aquel instrumental d'èsser un tube debut 2000 : es d'alhors aquela version 1999 de The Orange Theme qu'es lo tròç mai conegut de Cygnus X en Occitània.

Lor títol Superstring a el tanben agut un pauc de resson (en 2001).

Cygnus X es inactiu dempuèi 2005.