Crosaire auxiliar
Un crosaire auxiliar es un naviri marchand armat per la guèrra de corsa. Lo concèpte foguèt desvolopat per la Confederacion dins lo corrent de la Guèrra de Secession. A la fin dau sègle XIX, Russia, lo Reiaume Unit e Alemanha desvolopèron de naviris marchands capables d'èsser equipats de pèças d'artilhariá. Foguèron rapidament imitats per leis autrei poissanças navalas dau periòde. Alemanha generalizèt son utilizacion per s'atacar au comèrci britanic durant lei dos conflictes mondiaus. Pasmens, l'eficacitat dei crosaires auxiliars demorèt febla a respèct dei sosmarins (800 000 tonas aprefondadas per lei crosaires auxiliars còntra 22 000 000 per lei sosmarins dins lo corrent de la Segonda Guèrra Mondiala).
