Crisi sanitària de Flint
La crisi sanitària de Flint es una crisi sanitària ligada a la contaminacion de l'aiga potabla, dempuèi 2014, a Flint dins lo Michigan, als Estats Units[1][2].
La crisi remet en question lo tractament environamental de populacions paures e negres dins una vila d'un autre costat victima d'un declin urban marcat dempuèi d'annadas. Entraïnèt la reestructuracion e la mesa jos tutèla de la municipalitat[3][4][5].
A la seguida del cambiament, decidit pel governador del Michigan Rick Snyder (Partit Republican) en 2013-14[2], de la font d'aprovisionament de la vila en aiga, anteriorament crompada a la vila de Detroit puèi posada dins lo riu Flint, aquesta a conegut una contaminacion al plomb[6], suscitant un risc de santat publica seriós. La contaminacion troba son origina dins l'estat de las canalizacions vielhissentas del sistèma de distribucion, que contenon de plomb. Aquestas foguèron corroïdas per la preséncia de l'aiga de lo riu Flint, qu'a pas subit los tractaments apropriats[3].
En novembre de 2015, mantuna familhas depausan un recors collectiu al nivèl federal contre lo governador del Michigan, Rick Snyder, d'unes responsables locals e de foncionaris de l'Estat. D'autras accions judiciària seguisson[3].
En genièr de 2016, la vila es declarada en estat d'urgéncia pel governador. Lo president dels Estats Units Barack Obama relèva lo nivèl a un nivèl federal, autorizant atal una ajuda suplementària de la Federal Emergency Management Agency (FEMA) e del Departament de la Seguretat interiora dels Estats Units[3].
Davant l'importància de la crisi sanitària, lo governador presenta d'excusas publicas e mantun responsables demissionan.
Nòtas e referéncias modificar
- ↑ (en) Richard Manning, Over the River ; Returning home to Flint, Harper's Magazine, genièr de 2017.
- ↑ 2,0 et 2,1 (en) Jordan Chariton e Jenn Dize, Michigan's Ex-Gov. Rick Snyder Knew About Flint's Toxic Water—and Lied About It, Vice News, 16 d'abril de 2020.
- ↑ 3,0 3,1 3,2 et 3,3 (fr) Sylvie Laurent, Flint : les noces empoisonnées de l’austérité et du racisme, Libération, 4 de febrièr de 2016.
- ↑ (fr) Frédéric Autran, À Flint, les damnés de plomb, Libération, 28 de genièr de 2016.
- ↑ (fr) Frédéric Autran, L'eau empoisonnée de Flint, Michigan, et les plaies de la société américaine, Libération, 23 de genièr de 2016.
- ↑ (fr) États-Unis: scandale sanitaire à Flint, dont l'eau est contaminée au plomb, L'Express, 20 de genièr de 2016.
Vejatz tanben modificar
| Sus d'autres projècte de Wikimedia: | |
 |
Commons (Galariá) |
| |
Commons (Categoria)  Modèl:Commonscat/categories
|