Criptologia
La criptologia, etimologicament la « sciéncia dau secret », se pòt considerar veritablament coma sciéncia que despuei pauc de temps. Inclutz aquela sciéncia la criptografia — l'escritura secrèta — e la criptanalisi — l'analisi d'aquela d'aquí.
Se pòt dire que la criptologia es un art ancian e una sciéncia nòva : un art ancian que Juli Cesar ja l'emplegava ; una sciéncia nòva perqué es solament despuei leis annadas 1970 que venguèt un tèma de recèrca scientifica academic (valent a dire universitari). Aquela disciplina es ligada a fòrça autrei, per exemple l'aritmetica modulara, l'algèbra, la complexitat, la teoria de l'informacion, o encara lei còdes correctors d'errors.