Crim contra la patz
La nocion de crim contra la patz, mai precisament de « crims contra la patz e la seguretat de l’umanitat », foguèt definida pels Acòrdis de Londres del 8 d'agost de 1945 pels Tribunals militars internacionals de Nuremberg e de Tòquio establits après la Segonda Guèrra mondiala. Segon aquestes acòrdis, un tal crim se definís per: "la direccion, la preparacion, lo desencadenament o la perseguida d'una guèrra d'agression, o d'una guèrra en violacion dels tractats, asseguranças o acòrdis internacionals, o la participacion a un plan concertar o a un complòt pel compliment de l'un dels actes precedent quin que siá". La perseguida de personas per aqueste genre de crim concernís pas que los dirigents d'un país e los nautissims oficièrs militars.
Dempuèi, aquesta nocion foguèt remplaçada per aqueste de crim d'agression.
Evolucion de la nocion
modificarDins l’esperit dels paires fondators del Pacte Briand-Kellogg e del drech internacional penal, que donan son buf d’origina a aquesta disciplina, lo crim contra la patz i trapa naturalament sa plaça. S’agís d’una nocion mal coneguda e sosestimada qu'es sovent negligida. L’utilitat d'aquesta incriminacion es pasmens incontestabla que permet la sanccion infamanta (penala) de tot acte de guèrra illegal, çò qu'explica de segur la reticéncia, veire l’ostilitat d'unes Estats e de lors dirigents.
Las primièras condemnacions per crim contra la patz foguèron prononciadas en 1946 e 1948 a Nuremberg e Tòquio.
Ara
modificarLa nocion de crim contra la patz es identica a aquesta del crim d'agression. Ara qu'una definicion clara e definitiva ne foguèt trobada, las personas copablas d'un tal crim poirán èsser perseguida debans la Cort penala internacionala (CPI).
Lo complòt contra la patz - es a dire lo plan concertat en vista de preparar una guèrra d'agression o una guèrra en violacion dels tractats, assegurança o acòrdis internacionals - deu pas èsser confondut amb la nocion de crim contra la patz que consistís puslèu en practica a desencadenar, dirigir o perseguir una guèrra en violacion de la patz dins lo mond.
Lo plan concertat o complòt contra la patz es una nocion problematica que los jutjaments dels Tribunals de Nuremberg e de Tòquio utilizèron amb fòrça reticéncia. Çò qu'es ni una infraccion internacionala destriada, ni un biais de realizacion del crim contra la patz. Aquesta nocion provòca de conflictes de doctrina e se deu utilizar amb la mai granda resèrva. Son utilitat en matèria de responsabilitat se verifica mai d'un punt istoric que juridic.