Corifèu

Al sens pròpre, lo corifèu (grec κορυφαῖος, koryphaîos, de κορυφή, koryphḗ́, « cap de la tèsta ») es lo cap de còr dins la tragèdia e la comèdia grèga antica. Se situís mai sovent a la mitat de la scèna, alara nomenat orquèstra, e es encargat de guidar los coreutas. Respond al còr, lo questiona o repèta sos dichs. Pren a vegada la paraula al nom del còr e ven lo sol a dialogar amb lo personatge en scèna, que se mòu sus l'ensemble de prosquenion. Es un òme (possiblament deguisat en femna), un citutadan (possiblament deguisat en barbar), que pòrta masqueta e costum.

Mai generalament:

• dins lo teatre e l'opèra, son ròtle es gaireben lo mèsme: fasent partit del còr, se'n desliga per s'adreiçar al public o als personatges dins un sòlo mai o mens desvelopat, puèi toran dins lo reng;
• dins lo balet classic, un corifèu es un dançaire que li es confiat a vegada un cort ròtle de solista;
• dins la dança, lo títol de corifèu es atribuit al dançaire avent atench lo 4n escalon de la ierarquia dels emplecs del dançaire, après avoir estat quadrilha.