Chihuahua (estat)
Chihuahua (forma oficiala en espanhòl:Estado Libre y Soberano de Chihuahua), es un dels 31 estats federats que constituisson Mexic. Es situat dins lo nòrd-oèst de Mexic e es bordat pels Estats de Sonora a l'oèst, Sinaloa al sud-oèst, Durango au sud e Coahuila a l'èst. Al nòrd e al nòrd-èst, ten una longa frontièra amb los Estats Units, precisament los Estats de Nòu Mexic e de Tèxas. La capitala es la vila de Chihuahua. E mai que Chihuahua siá mai que mai identificat al desèrt de Chihuahua per son omonimia, ten mai de bòsques que tot autre Estat de Mexic, levat lo de Durango. En rason de sa varietat climatica, l'Estat ten una granda varietat de fauna e de flora. L'Estat es principalament caracterizat per un terrenh montanhós accidentat e de largas vals fluvialas.
Las montanhas de la Sierra Madre Occidentala, una part de la cadena continentala que compren tanben las montanhas Rocosas, domina l'Estat e abriga la pus granda atraccion de l'Estat: Las Barrancas del Cobre, o Copper Canyon, un sistèma de canhon pus grand e pus prigond que lo Grand Canhon.