Charles Portal
Charles Portal (1862 - 1936) es un arquivista departamental, conservator de las antiquitats e objèctes d'art del Tarn, president de la Societat de las Sciéncias, de las Arts e Letras.
Charles Portal foguèt a l'origina de la reconeissença de fòrça riquessas arquitecturalas de l'Albigés coma lo site de Còrdas, « conservatòri de l'arquitectura civila dels sègles XIII e XIV ».
Biografia modificar
Nascut Charles Louis Henri Félix Antoine Portal, a Castèlnòu de Montmiralh lo 25 de junh de 1862[1], vila de son paire, cordés per sa maire - eiretarà de son ostal -, es passionat par Còrdas, son istòria e sos edificis. Escriu mai d'un obratge sus Còrdas coma l'incontornable Histoire de Cordes que demora encara uèi la referéncia.
Fondèt en 1904 la Société des Amis du Vieux Cordes, una associacion segond la lei de 1901, que sa tòca es la salvagarda del patrimòni de Còrdas e de sa region. Aquela associacion pauc a pauc crompèt la quatre pòrtas de la ciutat (pòta dels Olmets, pòrte de la Joana, portal Pintrat, pòrta del Venceire) e l'ostal dich Fabre per evitar lor destruccion programada siá per permetre de melhorar de la circulacion dins la vila siá qu'aqueles edificis menaçavan roïna.
Tanben faguèt crear en 1932 lo musèu que pòrta ara son nom[2].
Per evitar lo desròcament e la vente de las pèiras a de crompadors estrangièrs, faguèt classificar Monument Istoric dos bèls ostals gotics de la vila de Còrdas.
Tanben permtèt que siá desaclapat lo pòtz de cobèrt e l'installacion del relaisset.
