Chaohusaurus
Chaohusaurus (lausèrt de Chaohu') es un genre representat per una soleta espècia d'ictiosaure, que demorèt pendent lo Triassic Inferior en çò que uèi es China[1]. Tambén es estat nomentat Anhuisaurus e Chensaurus. Foguèt descrich per Young e Dong en 1972. Aviá mai la forma de Cymbospondylus e Mixosaurus que non la de genres mai avançats coma Ichthyosaurus: aquò vòl dire que semblava pas un dofin coma los ictiosaures finals. Semblava benlèu mai un lausèrt. Aviá d'aletas mas lo còl èra pauc comun pr'amor qu'èra plan long e aviá pas d'aleta dorsala. L'aleta caudala aviá una basa longa mas bassa. Èra un dels ictiosaures coneguts mai pichons, amb d'aperaquí entre 70 e 180 cm de longor. Se pensa que podiá arribar pesar 10 Kg.[2]
Reproduccion modificar
Chaohusaurus foguèt vivipar coma d'ictiosaures posteriors. Totun, los pichons, sortissián de la maire primièr amb lo cap. Motani et al. (2014) soslinhèron aqueste fach com una evidéncia que lo viviparisme evolucionet primièr dins los ancessors terrèstres dels ictiosaures.[3]
Referéncias modificar
- ↑ Xiaohong Chen, P. Martin Sander, Long Cheng and Xiaofeng Wang (2013). «A New Triassic Primitive Ichthyosaur from Yuanan, South China». Acta Geologica Sinica (English Edition) 87 (3): 672-677.
- ↑ Enciclopedia de los dinosaurios y otras criaturas prehistóricas. 2008. John Malam y Steve Parker. ISBN 978-1-4054-9355-0
- ↑ Ryosuke Motani, Da-yong Jiang mail, Andrea Tintori, Olivier Rieppel, Guan-bao Chen (2014). «Terrestrial Origin of Viviparity in Mesozoic Marine Reptiles Indicated by Early Triassic Embryonic Fossils». PLoS ONE.