Cercamon

Cercamon^[1]^[2]^[3]^[4]^[5] o benlèu rarament Cercamòn^{[N 1]}^{[cal referéncia]} (Cercamoun en nòrma mistralenca; Cercamon, Cercamons, Cercalmont en occitan ancian^[1]) que ho un trobador originari, segon la soa vida, de Gasconha ; qu'espelí de cap a las annadas 1137, 1149. Segon Frederic Mistral, son nom^{[N 2]} significa "Que cerca dins lo monde". Que's sap chic de causas en vertat sus la soa vita (de segur hèra posteriora aus son temps) e la soa vida que dit :

Cercamon si fo uns joglars de Gascoingna, e trobet vers e pasoretas a la usanza antiga. E cerquet tot lo mon lai on el poc anar, e per so fetz se dire Cercamons.

De Cercamon que conservam :

Cansons :
- Quant l'aura Doussa s'amarzis (9 coblas unisonans dab 2 tornadas de dus vers)
- Ab lo temps qe fai refreschar (7coblas unisonans)

Sirventés :
- Puoi nostre temps comens'a brunezir (8 coblas unisonans dab 2 tornadas de 4 vers)

Planh :
- Lo plaing comenz iradament (un deus mei ancians d'aqueth genre liteari, vodat a Guilhèm X d'Aquitània, mort lo 9 d'abriu de 1137, hilh deu "purmèr trobador" Guilhèm IX - 9 coblas singulars, a8 a8 a8 a8 a8 b8, b tostemps medisha rima en -is)

Veire tanben

Bibliografia

Riquer, Martín de. Los trovadores, historia literaria y textos. Planeta : Barcelona, 1975.

Suls autres projèctes Wikimèdia :

Cercamon, sus Wikimedia Commons

Articles connèxes

Ligams extèrnes

Òbras completas

Nòtas e referéncias

Nòtas

↑ Lo siti web MedievalOc utiliza las doas grafias Cercamon e Cercamòn, benlèu derivat d'aquela grafia sus Wikipèdia.
↑ Cercalmont ven "Cèrca al Mond" en grafia classica de l'occitan.