Caunas de Presca
Las caunas de Presca, en Carcin, dins lo departament d'Òlt, abrigan de nombroses e extraordinaris espeleotèmas: aragonitas, estalactitas, estalagmitas, antiestalagmitas, excentricas, fistulosas, colomnas, caulets-flòris...
Situacion geografica
modificar
Se situan a 5 km de Sant Seren, sus la rota de Padirac.
Istòria
modificarDescobèrtas per escasença en 1825 pendent la construccion de la rota que passa davant l'intrada, las caunas de Presca foguèron abilitadas per la visita del public a partir de 1922.
Las concrecions e lors colors naturalas se compausan de calcita, de fèrre, de manganès, de coire e d'argila. Òm i tròba de colomnas nombrosas, que los «ciris». De drapariás de 1 a 4 m penjan lo long de las parets d'un rocàs susplombant lo void. Cada sala es esclairada per de simplas lampas.
La cauna aculhís aperaquí 35 000 visitaires cada annada.
Recèrcas e descobèrtas
modificar
En 1953, d'especialistas entreprenguèron las primièras cèrcas al ras del sòl per fin de trobar un conduch de riu sosterranh. Mas aprèp qualques mètres solament, aquel projècte foguèt abandonat en seguida de las crenhenças d'esbodenament de terrenh. En 1970, s'entreprenguèt d'òbras novèlas, aqueste còp, en alargant un pichon conduch existent prèp de la vòlta. Aqueles furgs s'arrestèron entrò a 1985. En 1998, descubriguèron una primièra sala batejada pels espeleològs «la sala de l'estela» contenent de fòrça bèlas concrecions (fistulosas, estalactitas, estalagmitas). En 2003, motivats per un corrent d'aire regular, los espeleològs comencèron de cavar mai enlà dins lo bard. Lo 4 de mai de 2011, trobèron una cavitat encara inexplorada plena de concrecions. Totes los membres del club d'espeleologia de Sant Seren i foguèron presents lo 14 de mai de 2011.[1]
