Carlos Calderón Fajardo
Carlos Salazar-Calderón Fajardo (Juliaca, Peró, 19 de mai de 1946 – Lima, 29 d'abril de 2015) foguèt un sociològ, jornalista e escrivan peroan. En 1979 ganhèt lo Prèmi Unanue per son primièr roman: La colina de los árboles.
Biografia
modificarCarlos Salazar Calderón Fajardo nasquèt a Juliaca, vilòta peroana de la region de Puno, en 1946 dins una familha de classa mejana. Tre son jovent acompanhèt son paire, un mètge militar per mantes endreches e vilas de Peró, çò que desvolopèt sa curiositat, e l'endralhèt puèi cap a l'escritura. Dins son adolescéncia coneguèt d'autres autors coma José María Arguedas o Juan Gonzalo Rose. Tre qu'acabèt son educacion segondària, foguèt mandat en Àustria per la familha per i estudiar la filosofia e aprendre la lenga alemanda dins la capitala, Viena. Pasmens durant aquel temps, agantèt la tuberculòsi e aguèt de passar un bèl temps dins un sanatòri. Un dels mètges que se trachavan d'el l'inicièt alara a la literatura alemanda e Salazar s'avodèt puèi a la lectura de Franz Kafka, Thomas Mann e mai divèrses autres autors alemands.
Tornat dins son país entamenèt d'estudis de sociologia a l'Universitat Catolica de Lima.
Òbras
modificar- La colina de los árboles (1980)
- El que pestañea muere y otros cuentos (1981)
- La conquista de la maravilla (1983)
- Historia de verdugos (2006)
- La noche humana (2008)
- El fantasma nostálgico (2013)
- Doctor Sangre (2014)