Capacitat termica
La capacitat termica (ò capacitat calorifica) d'un còrs es una grandor que mesura la calor que fau li transferir per aumentar sa temperatura d'un kelvin. A l'opausat, permet de quantificar la possibilitat qu'a un còrs d'absorbir ò de restituïr de la calor durant una transformacion amb variacion de temperatura. Exprimida en joules per kelvin, es una grandor extensiva. Una capacitat termica molara e una capacitat termica massisa (ò especifica) pòdon èsser definidas.
Coma la capacitat termica despend dei condicions operatòrias mesas en òbra per sa determinacion, despend dau fenomèn mes en òbra per aumentar la temperatura (pression, fòrça electromagnetica...). Per aquela rason, es possible de determinar plusors capacitats termicas.