Calendier lunar
Un calendier lunar es un calendier qu'utiliza lei fasas de la Luna per lo descòmpte dau temps. Coma la durada mejana d'un mes sinodic es de 29,530588 jorns, un calendier lunar pòu pas seguir corrèctament l'annada car 12 mes lunars fan 354 jorns e 13 mes lunars fan 383,5 jorns. Ansin, la màger part dei calendiers lunars son de calendiers lunisolars qu'intègran de jorns suplementaris per seguir l'annada solara. Pasmens, i a de calendiers unicament lunars. Uei, aquelei calendiers son pus utilizats per leis usatges oficiaus, mai pòdon totjorn servir per definir de celebracions tradicionalas. Lo calendier musulman es un exemple d'aqueu tipe de calendier.
