Calandreta (Cançon)

Calandreta es une cançon dels Fabulous Trobadors :

Repic
Calandreta, calandreta una escòla en occitan
Calandreta, calandreta una escòla per deman.


Vòla, vòla calandreta
Que deman farem la fèsta
Vòla, vòla calandron
De Bordèu cap a Gordon
De Gordon en n’Avinhon
Cromparem de caliçons.

Canta, canta calandreta
Que ton gat lèva la coeta
Canta, canta calandron
Quand ton can fa lo moron
Ton faron lo lop garon
Jòga al cotelon-morron.

Parla, parla calandrica
Dins ta lenga electronica
Parla, parla l’occitan
Que sauràs lo catalan
L’italian lo brasilian
Lo roman lo galician.

Pintra, tinta calandret
Viuràs dins un coloret
Bingas-mirgas bigalhats
Cotigas de mirgalhats
Taribòlas de credons
Bimbaròlas de cartons.

Tusta, tusta calandrin
Tusta lo teu tamborin
Tòca lo tambor de masca
Inventa rimas fantascas
Fa coma los fabulos
Molina los trobadors.

Chuca, chuca calandura
Lo solelh de l’aventura
I a un monde a desfiar
Te daisses pas enganar
I a un pòble a respelir
Te daisses pas amudir.