Cécile Pozzo di Borgo

Cécile Marie Thérèse Mouton-Brady esposa Pozzo di Borgo, nascuda lo 4 de genièr de 1952 a París, es una foncionària francesa qu'es actualament prefècta de las Tèrras Australas e Antarticas Francesas[1].

Biografia modificar

Sortida d'una familha d'origina vivaresa (Esteve Moston, mòrt a Airàs en 1675[2]), Cécile Mouton-Brady es diplomada de l'Escòla de las Cartas, e comencèt la carrièra al ministèri francés dels Afars estrangièrs. Passèt puèi pels ministèris dels Afars europèus e de l'industria. Trabalhèt tanben al servici de comunicacion del Cai d'Orsay. Ven ambassadritz de França en Republica Dominicana puèi al Peró. En 2011, intègra lo còrs prefectoral.

Se maridèt lo 14 de julhet de 1975 amb Alain Pozzo di Borgo, e a 3 enfants (Jérôme, 09.09.1978, Antoine, 30.08.1980 e Marie, 26.03.1986).[3]

Carrièra modificar

  • 2011: Prefècta d’Avairon
  • 2014: Prefècta de las Tèrras Australas e Antarticas Francesas

Referéncias modificar

  1. "Le nouveau préfet des TAAF est une préfete : Cécile Pozzo di Borgo", Outre-Mer 1ère, 17 de setembre de 2014
  2. Ascendéncia sur Geneanet
  3. Site Geneall