Bracatge
Un bracatge, una ataca ò un hold-up es un raubament menat sota la menaça d'una arma dins una banca ò un magazin. L'objectiu es generalament de raubar una soma importanta ò d'objèctes de valor. Dins la màger part dei país, es considerat coma una infraccion grèva qu'es durament reprimida per la lèi e leis autoritats. Per exemple, dins lo drech francés que s'aplica a la màger part d'Occitània, es un crime passible de 20 ans de reclusion criminala.
Lo bracatge modèrne es aparegut durant lo sègle XIX ais Estats Units mai s'inscriu dins una lònga tradicion de banditisme armat. L'aspècte espectacular de certanei bracatges a fòrça marcat l'imaginari collectiu. Ansin, fòrça atacants son venguts famós e an inspirat d'òbras d'arts, especialament au cinèma (Jacques Mesrine, Bonnie e Clyde...).