Boson de Higgs

Lo boson de Higgs, que recep tanben de còps que i a lo nom de particula de Higgs o boson BEH (inicialas dels scientifics Brout, Englert e Higgs), es una particula elementara prepausada pel modèl estandard de la fisica de las particulas tre 1964. Aquesta ten una importància essenciala que son existència confirmariá qu'existís lo camp de Higgs, que dins lo modèl estandard permet de donar una explicacion sul fach que cèrtes còsses, coma per exemple lo foton, aguèssen pas de massa mentre que d'autres, los bosons W e Z, n'an una. L'apelacion de la particula ven del nom del fisician anglés Peter Higgs.