Borlesc

Lo borlesc (tanben burlesc) es un registre literari que se desvolopèt bravament en Italia e en França e que faguèt flòri a l'epòca classica e barròca.

Coma registre literari se retròba tanben dins gaireben totas las epòcas dins la literatura occidentala. De consultar tanben: new borlesc, borlesc american, borlesc italian, poesia borlesca.

Etimologia

Lo mot ven de l'italian burlesco. Los mots occitans "borla", "borlar" an la meteissa etimologia coma l'adjectiu italian burlesco.

Dins la literatura occitana del sègle XVII

Lo borlesc foguèt un registre plan utilizat pendent aquel sègle. La dimension parodica èra plan presada.

Qualques òbras occitanas borlescas d'aquela epòca:

- Virgili desguisat o l'Eneïda burlesca (Vergèli deguisat o l'Eneïdo burlesco), 1648, de Joan de Valès.

- L'embarràs de la fièra de Bèucaire, en vèrs burlescs vulgars.(L'embarras de la fieiro de Beaucaire, en vers burlesques vulgaris), de Joan Miquèl, 1657.