Boneta (riu)

Boneta
Sent Antonin : lo canal de Bessarèl
Caracteristicas
Longor	24,9 km
Bacin	179 km2
Bacin collector	Garona
Debit mejan	1,27 m3⋅s-1
Riu
Font	Massís Central
· Localizacion	La Garda
· Coordenadas	44° 18′ 52″ N, 1° 49′ 53″ E
Geografia
Païses traversats	França
Regions traversadas	Occitània

Boneta es un riu occitan de Tarn e Garona ; raja entremièg lo Causse de Cailutz e la Tèrrafòrt Roergata. Es un afluent d'Avairon en riba drecha.

Geografia

Longa de 24,9 km, Boneta nais dins la comuna de La Garda, e s'escampa dins Avairon a Sent Antonin.

Comunas traversadas

• La Garda, Sent Progèt, Lòse, La Capèla de Libron, Cailutz, Espinàs, Sent Antonin.

Afluents màger

• lo riu de Sent Laurenç 10,1 km
• lo riu de Laval 5 km
• lo riu de Cròsa 4,6 km
• lo riu de Caudasaigas 4,9 km
• lo riu de Gorga 5,2 km

Idrologia

Boneta es un riu moderadament abondós.

Boneta a Sent Antonin

Son debit foguèt observat sus un periòde de 41 ans (1968-2008), a Sent Antonin a la confluéncia amb Avairon. Lo bacin versant del riu i es de 179 km², gaireben la totalitat d'aquel.

Lo modul del riu a Sent Antonin es de 1,27 m³/s.

La Boneta presenta de variacions sasonièras de debit plan marcadas, amb d'aigas nautas d'ivèrn e prima portant lo debit mensual mejan a un nivèl situat entre 1,90 e 2,78 m³/s, de decembre a abril comprés (amb un maximum en febrièr), e d'aigas bassas d'estiu, de julhet a setembre comprés, amb una baissa del debit mejan mensual fins a 0,152 m³/s al mes d'agost, çò qu'es plan bas. Pasmens las variacions realas sus de corts periòdes son encara mai importantas.

Estiatge

A l'estiatge, lo VCN3 pòt càser fins a 0,031 m³/s, en cas de periòde quinquenal sec, siá 31 litres per segonda, lo cors d'aiga perdent alara mai de 97 % de son debit mejan.

Aigats

Los aigats pòdon èsser pro importants, caracteristica comuna a fòrça afluents de Garona.

Lo debit instantanèu maximal registrat a Sent Antonin pendent lo periòde d'observacion, foguèt de 48,1 m³/s lo 30 d'abril de 2001, alara que la valor jornalièra maximala èra de 37,6 m³/s lo 24 d'abril de 1988.

Lama d'aiga e debit especific

La Boneta es pas un riu pro abondent. La lama d'aiga rajant dins son bacin versant es de 225 millimètres annalament, çò qu'es plan inferior a la mejana dels bacins de Garona (384 millimètres al Mas d'Agenés), e d'Avairon (347 millimètres). Lo debit especific (o Qsp) del riu es de 7,1 litres par segonda e per quilomètre carrat del bacin.

Notas e references