Boha
La boha qu'ei ua sansonha tradicionau gascona de las Lanas, qu'ei constituida de mantuas partidas :
- Lo sac : qu'ei la resèrva d'aire en pèth d'anhèth o de craba dab ua capacitat d'un detzenat de litres.
- Lo bohet : qu'ei un canèth de husta traucat on e boha lo bohaire.
- Lo pihet qu'ei format de dus tudèths, lo canèth melodic qu'ei traucat de 5 o 6 traucs de jogar, e lo canèth d'acompanhar.
- Lo brunidèr qu'ei un tròç de husta mobil estacat per ua cadea qui serveish tà tapar lo canèth d'acompanhar.
- Las inchas o espiulas o calumets que son simplas e lo mei sovent hèitas de husta (de boish lo mei sovent).
