Harold William « Bill » Tilman (14 de febrier de 1898, Wallasey - 1977, Ocean Atlantic) es un alpinista, un navegaire e un militar britanic.

Bill Tilman en 1950.

Après aver participat a la Premiera Guèrra Mondiala dins l'artilhariá, anèt s'installar en Kenya per i dirigir una plantacion de cafè. A la fin deis ans 1920, i rescontrèt Eric Shipton e comencèt d'ascensions en Africa (Kilimanjaro, Mont Kenya e Ruwenzori). Puei, s'interessèt ai montanhas d'Imalaia. En 1936, dirigiguèt l'expedicion que realizèt la premiera ascension de la Nanda Devi (7 816 m). Participèt tanben a d'expedicions au Mont Everest en 1935 e 1938. Tornat integrar dins l'armada, participèt ai combats en França (1940) e en Africa dau Nòrd (1942) avans d'integrar lei fòrças especialas. Venguèt ansin agent britanic en Albania (1943) e en Itàlia (1944-1945).

En 1950, menèt una mission de reconoissença dei camins d'ascension possibles dau Mont Everest a partir de Nepal. Aquò permetèt de preparar leis expedicions seguentas, especialament aquela de 1953 qu'agantèt la cima de la montanha per lo premier còp. En 1952, foguèt nomat cònsol en Indonesia. Arrestèt l'alpinisme per començar una carriera de navegaire en America dau Sud e dins leis oceans polars. Participèt tanben a plusors exploracions d'illas isoladas de l'Ocean Indian. Dispareguèt en mar en 1977 durant un viatge en direccion deis Illas Falkland.

Liames intèrnes modificar

Bibliografia modificar

Nòtas e referéncias modificar