Bernat Oton de Niòrt

Bernat Oton de Niòrt, o Bernat Oton d'Aniòrt, foguèt senhor de Niòrt en Rasés, darrièr senhor de Laurac, senhor de Montreal e de Ròcafuèlh.

D'aur a la crotz de gula bordat de meme D'après l'inventari de la coleccion dels sagèls de Douët d'Arcq, las colors son pas qu'ipòteticas

Biografia

Bernat Oton es le filh de Guilhèm de Niòrt et d'Esclarmonda de Montreal-Laurac, e tanben fraire de Geraud de Niòrt, vescomte de Saut. Bernat Oton es lo pus famós dels fraires maudits.

Nasquèt cap a 1201. A l'atge de 5 ou 6 ans foguèt fisat a sa grand-maire Blanca de Laurac, que teniá un ostal de perfèitas dins sas tèrras. Foguèt doncas plan jove partisan de la causa catara, e frequentèt la nauta societat occitana de l'epòqca, e los grands noms de la glèisa catara (coma Guilhabèrt de Castras). Esposèt Nòva de Cabaret (que li donèt un filh, Bertrand) ; mai, alassat de sa femna, assajèt de la persuadir al consolament catara e temptèt de la repudiar mai d'un còp. Foguèt condemnat al lenhier coma erètge en 1236 dins las tors de Carcassonna, mas i escapèt gràcia al pledejament de sos vesins (de nombrós barons de la region persuadiguèron l'inquisicion de lo condamnar solament a la preson perpetuala afin d'evitar un solevament de la region).