Bernard Lacombe

Bernard Lacombe, nascut lo 15 d'agost de 1952 a Vilafranca-sus-Saòna, es un dirigent de fotbòl e ancian fotbolaire internacional francés.

Bernard Lacombe
Ficha d’identitat
Nacionalitat esportiva	França
Pòst	Atacant
* Partits jogats e buts marcats dins cada club comptant pel campionat nacional e las competicions nacionalas e continentalas.
Modificar Consultatz la documentacion del modèl

Bernard Lacombe en 1977 jos las colors de l'Olimpic lionés.

Es lo segond melhor butaire del campionat de França de fotbòl, amb 255 buts inscriches entre 1970 e 1987, e es pas davançat que per l'abans-centre argentin Delio Onnis (299 buts). Bernard Lacombe èra considerat coma un atacant complèt, sabent jogar lo ròtle del passaire, de l'atacant en pivòt o quitament d'un alièr.

Triple campion de França amb los Girondins de Bordèu dins las annadas 1980, empòrta egalament amb l'equipa de França lo Campionat d'Euròpa 1984.

Carrièra de jogaire

Olimpic Lionés (1969-1978)

Bernard Lacombe comença sa carrièra en 1969 amb l'Olimpic lionés, dont es suportaire. Parteja alara lo vestiari amb son idòla de l'epòca, Fleury Di Nallo, « lo princilhon de Gerland ». Amb Serge Chiesa, aquel duò marca l'istòria del club en emportant en 1973 la tresena copa de França de l'istòria de l'OL. Pendent la finala de cap al FC Nantas, campion titular, Bernard Lacombe se distinguís en marcant lo segond ponch de l'OL, après aver controlat lo balon de la main. Tornarmai finalistas en 1976, los lioneses coneisson pas la meteissa capitada e s'inclinan davant l'Olimpic de Marselha (2-0).

L'idilli de Bernard Lacombe amb son club formator pren fin de faiçon pro subta, pendent l'estiu 1978. L'Olimpic lionés, que ven d'escapar de pauc a la relegacion, manca de liquiditats e se deu resòlvre a se separar de sos elements melhors. Autor de 24 realizacions pendent lo darrièr campionat e vengut titular en equipa de França, Bernard Lacombe es transferit a l'AS Sant Estève, lo grand club rival.