Bauma de Rochelot

La bauma de Rochelot se tròba dins la Charanta Occitana, au nòrd dau Bacin Aquitan, a 'na vintena de quilomètres au nòrd-est d'Engoleime.

Localizacion

Se situa dins la comuna de Sent Amanç, dins la vau de Bonoira, un afluent de Tardoira.

Se dubrís dins la vau de Bonoira dins lo bauç, prep de las baumas dau cròs de la Vielha e dau molin de Rochelot, qu'an servat solament de la fauna.

Istoric

Fuguet cerchada per Jòrgi Chauvet a partir de 1897. Las cerchas fugueren represas per Joan Francés Tornapicha a partir de 1980.

Topografia

Fuguet voidada per los prumiers cerchaires, mas Joan Francés Tornapicha trobet un corredor de 1 m de larjor, 0,85 m de nautor e d'aperaquí 15 m de lonjor emplenat d'òs d'animaus.

Restas umanas

Se trobet 6 dents abenadas d'un neandertalian vielh e un fragment de diafisi de l'umerus rausat per de iènas.

Fauna anciana

Dins lo corredor, Joan Francés Tornapicha trobet daus òs de 'na vintena de grands mamifèrs, chavaus, bovids, cervis, dams, chabròus, urs, singlars, megaloceros, rinoceros de las estepas, elefants, vibres e iènas de las cavernas (Crocuta crocuta spelaea). D'autres carnivòrs son presents: ors brun, lop, chen de las cavernas, leon e pantera.

Aplechs e objectes

L'industria litica es liada au Magdalenian.