Batman
|
Batman
| ||
|---|---|---|
| Personatge de Batman | ||
| Aliàs | Bruce Wayne (vertadièra identitat), Matches Malone | |
| Activitat(s) | playboy Proprietari de Wayne Enterprises | |
| Poders | Cap. Excellenta condicion fisica, intellect genialissim, mèstre en arts marcialas, accès a un equipament de fòrt nauta tecnologia. | |
| Familha | Thomas Wayne (Paire, defuntat), Martha Wayne (maire, defuntada), Phillip Wayne (oncle e paire adoptiu, defuntat), Alfred Pennyworth (mèstre d'ostelará e paire adoptiu), Dick Grayson (filh adoptiu), Jason Todd (filh adoptiu), Tim Drake (filh adoptiu) Damian (filh). | |
| Afiliacion | Aliats de Batman, JLA, Outsiders, Justice Society of America, All-Star Squadron | |
| Creat per | Bob Kane Bill Finger | |
| Primièra aparicion | Detective Comics #27 (Mai de 1939) | |
| Editor(s) | DC Comics | |
Batman es un personatge de ficcion de DC Comics, un supereròi que apareguèt per primièr còp dins Detective Comics #27 de mai de 1939. Batman foguèt cocreat per l'artista Bob Kane e l'escrivan Bill Finger, a mai se en realitat sonque Kane ne recebèt lo crèdit oficial. Dempuèi aquel temps Batman es vengut un dels supereròis mai reconegut internacionalament.
L'identitat secreta de Batman es Bruce Wayne, un milionari playboy, industrial e filantròp. Foguèt lo testimòni de l'assassinat de sos parents quand èra enfant e aquò lo menèt a s'entrainar per arribar a la cima de la perfeccion fisica e intellectuala. Vestís un costuma que se sembla a una ratapenada, e combat lo crime. A la diferéncia de maites supereròis, a pas cap de superpoder o d'abilitats extraordinàrias. Emplega son intelligéncia, e sos dons de detectiu, las sciéncias e la tecnologia, amassa amb sa riquesa, sa fòrça fisica, e intimidacion dins sa guèrra contra lo crime.