Batalha de la Resclausa
La batalha de la Resclausa se debanèt lo 24 de junh de 1340 durant la guèrra de Cent Ans. Premiera batalha importanta dau conflicte, opausèt flòta angloflamanda a una fòrça navala francogenoesa cargada d'empachar un desbarcament anglés en Flandra. Lo combat, lòngtemps indecís, foguèt un deis afrontaments pus saunós de tota la guèrra ambé mai de 15 000 mòrts dins lei rengs de l'armada au servici dau rèi Felip VI de França e 9 000 dins aqueleis dei tropas fidèlas a Edoard III d'Anglatèrra. Pasmens, finalament, la flòta francogenoesa foguèt quasi anientada ambé la destruccion ò la captura de 170 naviris sus 190 e leis Anglés poguèron desbarcar.
