Batalha de l'Aisne (1940)
La batalha de l'Aisne se debanèt dins lo corrent de la Segonda Guèrra Mondiala dau 15 de mai au 12 de junh de 1940. Après la batalha de Sedan, foguèt una temptativa de l'armada francesa de restablir un frònt defensiu. Aguèt luòc en parallèl de la batalha de l'Ailette. Pasmens, leis Alemands tenián d'ara endavant una superioritat numerica clara e son ataca principala còntra la linha de l'Aisne capitèt de rompre lo frònt francés a partir dau 11 de junh. Aquò precipitèt l'afondrament totau de França que son armada poguèt plus restablir de defensa organizada fins a l'armistici dau 22 de junh.