Batalha de Texel (1914)
|
Batalha de Texel (1914)
| |
|---|---|
| Informacions generalas | |
| Data | 17 d'octòbre de 1914 |
| Luòc | au larg de l'illa de Texel |
| Eissida | Victòria anglesa |
| Belligerants | |
.svg){kind=small} Reialme Unit
|
.svg){kind=small} Alemanha
|
| Comandants | |
| Cecil Fox
|
Georg Thiele (†)
|
| Fòrças en preséncia | |
| 1 crosaire leugier, 4 còntra-torpilhaires
|
4 torpilhaires
|
| Pèrdas | |
| 3 còntra-torpilhaires leugierament damatjats, 5 bleçats
|
4 torpilhaires aprefondats, 218 tuats, 30 presoniers
|
| Batalhas | |
| Batalhas navalas : Antivari – 1èr Heligoland – Texel – Falkland – Scarborough – Noordhinder Bank – Dogger Bank – Ancona – Durazzo – Jutlàndia – 1èr Pas de Calais – Imbros – 2a Pas de Calais | |
La batalha de Texel se debanèt lo 17 d'octòbre de 1914 au larg de l'illa neerlandesa de Texel, entre d'esquadras anglesa e alemanda durant la Premiera Guèrra Mondiala. Foguèt una victòria anglesa que limitèt lei temptativas alemandas per minar leis aigas dau sud dau Reiaume Unit.
La batalha comencèt per lo rescòntre entre la 3a flotilha de còntra-torpilhaires anglesa de Cecil Fox e la 7a mieja flotilha alemanda de Georg Thiele. La flòta anglesa èra compausada dau crosaire leugier HMS Undaunted e de còntra-torpilhaires HMS Lennox, HMS Lance, HMS Loyal e HMS Legion. En fàcia, la flòta alemanda alinhèt lei torpilhaires S115, S117, S118 e S119. Leis Alemands, largament inferiors en poténcia de fuòc e en portada, assaièron de fugir puei de lançar de torpilhas mai finalament sei naviris foguèron rapidament tocats puei aprefondits.
218 marins alemands foguèron tuats e 30 capturats durant lei combats. De mai, lo 30 de novembre, un pescaire britanic trobèt un còfre gitat per lo comandant Georg Thiele pendent la batalha. Lo còfre conteniá de còdis utilizats per lei tropas alemandas desplegadas sus la còsta de Flandra.