Batalha de Texel (1673)
La batalha de Texel es un combat navau que se debanèt lo 21 d'aost de 1673 durant la Guèrra d'Olanda. Opausèt una flòta francoanglesa (92 naviris) comandada per lo prince Rupert de Ren e lo còmte d'Estrées a una flòta olandesa (75 naviris) dirigida per l'amirau Michiel de Ruyter. Maugrat sa superioritat numerica, leis Aliats mau capitèron de coordenar sei manòbras e foguèron tornarmai batuts per leis Olandés. En particular, lei Francés foguèron accusats d'aver laissat leis Olandés concentrar la màger part de sei fòrças còntra leis Anglés. Aquò entraïnèt de tensions importantas entre lei marins dei doas marinas. Per leis Olandés, la victòria permetèt la perseguida de la resisténcia d'Amsterdam transformada en illa l'annada precedenta ambé la dubertura dei restancas qu'aviá arrestat la progression terrèstra dei Francés. Ges de naviri foguèt destruch durant la batalha.
_1673_Willem_van_de_Velde.jpg)