Batalha de Seven Pines
La batalha de Seven Pines (ò batalha de Fair Oaks) se debanèt entre lo 31 de mai e lo 1èr de junh de 1862 durant la Guèrra de Secession. Foguèt lo resultat d'una ofensiva nordista còntra la capitala sudista, Richmond. D'efiech, una armada federala dirigida per lo generau George McClellan (34 000 òmes) agantèt leis environs de la vila, defenduda per lei tropas dei generaus Joseph Johnston e Gustavus Smith (39 000 òmes). Pasmens, lei defensas confederadas capitèron de resistir e lo combat s'acabèt d'un biais indecís. En consequéncia, lei Nordistas assaièron de tornar atacar Richmond un mes pus tard, çò que menèt dirèctament a la batalha dei Sèt Jorns (25 de junh - 1èr de julhet de 1862).
