Batalha de Natural Bridge
La batalha de Natural Bridge foguèt una batalha que se debanèt pendent la Guèrra de Secession Americana en çò que uèi es Woodville, Florida, prèp de Tallahassee, lo 6 de març de 1865. Un pichon grop de soldats confederats a mai de volontaris ( que la majoritat n'èran de joves de l'Institut e Collègi Militar de Florida - que seriá puèi l'Universitat Estatala de Florida -, a mai d'adultes, e protegits per de fortificacions, arrestèron un destacament de L'Armada de Color Estatsunitenca (US Colored Troops) de crotzar lo pont de Natural Bridge sus lo flume St. Marks.
Lo Natural Bridge es un tròc de tèrra que lo St. Marks es parallèl abans de desaparéisser per un trauc.[1] Aquesta accion laissèt pas l'Armada Federala conquistar la capitala de Florida e faguèt de Tallahasse la soleta capitala confederada de l'èst del riu Mississippí liure de la conquista federala pendent tota la guèrra. La batalha es estada descricha coma una victòria confederada dins la Guèrra Civila Americana e foguèt, a mai, la segonda mai granda batalha que i aguèt en Florida pendent aquela guèrra.
La batalha
modificarL'armada federala del general John Newton aviá començat una expedicion per destruir l'armada confederada qu'aviá atacat Cedar Keys, a Florida, a mai de Fort Myers, e qu'èran prèp de St. Marks. A mai, la Marina Federala aviá agut de problèmas en tot voler dintrar al flume St. Marks. L'armada federala, totun, avancèt, encontrèt un pont e lo destrusiguèt. Lo 6 de marça assajèt de crotzar lo flume St. Marks en Natural Bridge. Aquela avanca provoquèt una retirada iniciala de las fòrças confederadas.
Plusors marinièrs de vaisèl USS Hendrick Hudson tanben partecipèron e dos n'aguèron una medalha d'onor : Seaman John Mack and Coxswain George Schutt.[2]
Maugrat aquò, las fòrcas confederadas qu'aviá lo general de brigada William Miller, poguèron defendre lo prat e atanben lo pont natural. La batalha demorèt tot lo jorn. Fin finala, l'armada federala se retirèt après veire que podiá pas conquistar lo pont. Après tras cargas, se retirèron en tot cercar la proteccion de la flota federala que i aviá prèp d'ailà.