Batalha de Monte Cassino
La batalha de Monte Cassino se debanèt dins lo corrent de la Segonda Guèrra Mondiala dau 17 de genier au 18 de mai de 1944. Foguèt la consequéncia d'una ofensiva d'amplor deis Aliats (240 000 òmes) còntra lei posicions defensivas alemandas centradas a l'entorn de l'Abadiá de Monte Cassino (140 000 òmes). L'enjòc èra lo contraròtle de Roma car lo sector èra la darriera posicion defensiva importanta avans la capitala italiana. Après una tiera de combats saunós onte se destrièron l'Armada Polonesa de l'Oèst, lei tropas colonialas francesas e lei paracasudistas alemandas, l'abadiá foguèt finalament conquistada per leis Aliats entraïnant la liberacion de Roma lo 4 de junh seguent.
La batalha costèt 55 000 òmes ais armada aliadas còntra 20 000 ais Alemands.