Batalha de Chancellorsville
La batalha de Chancellorsville es un combat que se debanèt dau 27 d'abriu au 6 de mai de 1863 durant la Guèrra de Secession. Foguèt la consequéncia d'una ofensiva d'una armada nordista comandada per lo generau Joseph Hooker (134 000 òmes) que se dirigiguèron vèrs lo sud en aprofichant la descubèrta dau ponch feble dins la defensa sudista e la dispersion dei fòrças dau generau Robert Lee (61 000 òmes).
Dins aquò, lei Nordistas foguèron susprés per l'amplor de son succès iniciau que li permetèt de passar sensa dificultat lei rius Rappahannock et Rapidan. Sospichant una engana de part dau generau Lee, lo comandant nordista assaièt pas d'avançar mai e foguèt durament atacat per lei Sudistas que devesiguèron abilament sei fòrças per fixar son adversari e limitar son inferioritat numerica dins lei sectors decisius. Ansin, lei Nordistas deguèron abandonar sei conquistas e se retirar sus la riba septentrionala de Rappahannock et Rapidan.
Lei pèrdas umanas foguèron importantas per lei dos camps amb aperaquí 17 000 Nordistas e 13 000 Sudistas tuats, bleçats ò capturats. Encoratjat per sa victòria, Lee assaièt de perseguir l'armada nordista en retirada. Aquò menèt a la batalha de Gettysburg (1èr-3 de julhet de 1863).