Batalha de Caer Caradoc
La batalha de Caer Caradoc se debanèt en 50 apC dins lo corrent de la conquista romana deis Illas Britanicas. Lo luòc precís dau combat es desconegut e unei localizacions son prepausadas dins lei regions orientalas dau País de Galas actuau. Opausèt una armada cèlta dirigida per Caratacos a una armada romana comandada per Publius Ostorius Scapula. S'acabèt per una victòria romana importanta que permetèt de rompre lei temptativas de resisténcia organizada dei tribüs dau sud e de lei sometre a l'òrdre roman. En revènge, marquèt lo començament d'una guerilha lònga de part dei tribüs galesas que resistiguèron fins ais annadas 80.
