Batalha de Bolonha (1940)

La batalha de Bolonha se debanèt dins lo corrent de la Segonda Guèrra Mondiala dau 22 au 25 de mai de 1940. Opausèt una mescla d'unitats francobritanicas qu'assaièron de defendre la vila que son pòrt èra utilizar per evacuar lei soudats aliats dau nòrd de França a una division blindada alemanda. La coordenancion entre lei diferenteis unitats aliadas foguèt marrida en causa de dificultats de comunicacion entre Francés e Britanics e entre unitats terrèstras e navalas. Pasmens, leis Alemands se turtèron a una resisténcia fòrta, especialament dins la ciutat medievala, que s'arrestèt après tres jorns de combats en causa de la manca de municions. Aperaquí 4 400 soudats aliats foguèron evacuats e 5 000 capturats. Lei Francés perdiguèron tanben un còntra-torpilhaire aprefondat per l'artilhariá alemanda.