Bartolomé Casaus
Bartolomé Casaus, mai conegut jol nom de Bartolomé de las Casas (Sevilha, 24 d'agost de 1484 - Madrid, 17 de julhet de 1566) foguèt un fraire dominican andalós del Reialme de Castelha, cronista, teologian, avesque de Chiapas (Mexic) que prenguèt la defensa dels indians d'America. Son nom d'ostal vertadièr Casaus, espanholizat e ennoblit en de las Casas, a generat la teoria que podiá èsser catalan, mentre que d'autres li donan una origina occitana, probablament lemosina.
Biografia
modificar
Bartolomé Casaus nasquèt a Sevilha en 1484, probablament lo 16 de novembre.[1] De sègles de tradicion situavan sa naissença anteriorament, en 1474. Pasmens, dins las annadas 1970 de cercaires que fasián de recercas dins d'archius demostrèron que la data èra incorrècta, aprèp d'aver descobèrt dins l'Archiu General de las Indias records of a contemporary lawsuit que demostrèt qu'èra nascut una decada mai tard que çò que se pensava.[2] De biografs e autors posteriors an generalament acceptat e utilizat aquesta revision.[3] Son paire Pedro Casaus èra un mercadièr e se pensa generalament que la familha èra descendenta d'una de las familhas occitanas qu'avián emigrat per fondar la vila de Sevilla.[4] Segon un biograf sa familha èra d'origina jusieva convèrsa,[5] encara que d'autres descrivon la familha coma de crestians qu'avián emigrat d'Occitània.[4], pasmens l'istorian catalan Jordi Bilbeny pensa que Bartolomé e sa familha podián èsser catalans. Pr'amor del testimoniatge del biograf de Casaus, Antonio de Remesal, se creguèt tradicionalament que Bartolomé de las Casas estudièt en licéncia a Salamanca, pasmens aqueles estudis jamai apareisson pas mençonats dins los escriches del fraire.[6] En 1507, quand èra encara adolescent, viatgèt a Roma ont aguèt l'escasença d'èsser present al Festival de Flaütas.[7]