Bèumont (Marselha)
Lo quartier de Bèumont (en francés Beaumont) s'atròva dins lo dotzen arrondiment de Marselha.
Aqueu quartier es conoissut per èstre lo còr de la comunautat armènia de Marselha. Lo nom de sei carrieras ramenta lo sovenir d'aqueleis exiliats qu'arribèron dins la ciutat focèa au començament dau sègle vinten per fugir lei repressions menadas per l'Empèri Otoman morent : la mai granda carriera dau quartier se dich Avenguda dau 25 d'abriu de 1915 (lo premier jorn dau genocidi armèni). Dos glèisas catolicas armènias se troban dins lo quartier.
Uei, la comunautat es encara ben viva e jòga un ròtle important dins la vida politica locala, emai nacionala, coma va mòstra la lei dau 22 de decembre 2011 que condamna la negacion dei genocidis en generau, e dau genocidi armèni en particular, portada per una elegida marselhesa.
Veire tanben
modificar- EUGA Ardziv, lo club de fotbòl de la comunautat armènia de Bèumont.