Australopithecus bahrelghazali

Australopithecus bahrelghazali

Australopithecus bahrelghazali qu'ei un ominin fossil descurbert en 1995 (1) peth paleontològ Michel Brunet ena vath de Babr el Gahzal, aprèp de Koro Toro e siguèc aperat Abel. Siguec datat dab era metoda deth berili radiometric e se pensa qu'auriá demorat hè 3.6 milions d'ans (2).

Es trobalhes èren un troç de maissa, un dusau incissor, es dus canins e tots quate premolars que son ath cant des dents alveolars. Eth nom exacte qu'ei KT-12/H1; Abel ei son nom informal en memoria d'un collega mort que s'aperaua Abel Brillanceu. Aguest individú siguec trapat a mès de 2.500 Km ar oèst deth Gran Rift èst-african.

Era maissa KT-12/H1 descurberta auia ues dents parières as d'Australopithecus afarensis ; açò qu'amièc quauques recercaires coma William Kimbel a díder qu'Abel ei pas ua espècie desseparada mès que "dintra enes variacions d'Australopithecus afarensis". En 1996, Brunet e era sua equipa classaren KT-12/H1 coma un individú d'Australopithecus bahrelghazali (3). Totun, aquerò qu'ei malaisit de díder pr'amor qu'es recercaires an KT-12/H1 barrat e aluenhat dera comunautat paleoantropològa general e açò qu'ei contrari ar International Code of Zoological Nomenclature 1999 (4).

Aguesta espècie ei un misteri per quauqu'ns pr'amor qu'ei eth prumèr fossil australopitecid trapat jamès en Africa Central. Tamben ei plan important pr'amor qu'ei eth prumèr fossil que mostra geograficaments que i a ua "tresaua hièstra" ena evolucion des ominids ancians.

Tà vèder tamben

  • List of fossil sites (with link directory)
  • List of human evolution fossils (with images)

Referències

  1. Brunet, Michel, Beauvilain, Alain, Coppens, Yves, Heintz, Emile, Moutaye, Aladji H.E., and David Pilbeam. 1995 The first australopithecine 2,500 kilometres west of the Rift Valley (Chad).Nature 378: 273-275.
  2. Anne-Elisabeth Lebatard, Didier L. Bourlès, Philippe Duringer, Marc Jolivet, Régis Braucher, Julien Carcaillet, Mathieu Schuster, Nicolas Arnaud, Patrick Monié, Fabrice Lihoreau, Andossa Likius, Hassan Taisso Mackaye, Patrick Vignaud, and Michel Brunet (2008) Cosmogenic nuclide dating of Sahelanthropus tchadensis and Australopithecus bahrelghazali: Mio-Pliocene hominids from Chad. Proc. Nat. Acad. Sci. U.S.A., 105(9): 3226-3231
  3. Brunet, M., A. Beauvilain, Y. Coppens, E. Heintz, A.H.E. Moutaye, and D. Pilbeam. 1996. "Australopithecus bahrelghazali, une nouvelle espece d'Hominide ancien de la region de Koro Toro (Tchad)." In Comptes Rendus des séances de l'Academie des Sciences, vol. 322, pp. 907-913.
  4. Schwartz, Jeffrey H., and Ian Tattersal. 2005 The Human Fossil Record, vol.4: Craniodental Morphology of Early Hominids (Genera Australopithecus, Paranthropus, Orrorin) and Overview. John Wiley and Sons, New Jersey.

Pàgines web