Dobrir lo menú principal

Arthur Arnould (Dieuze, 17 d'abriu de 1833 – 26 de novembre de 1895, París) foguèt un escrivan e jornalista francés, personalitat de la Comuna de París (1871).

Arthur Arnould foguèt un jornalista de l'oposicion pendent lo rèine de Napoleon III. Après la proclamacion de la Republica lo 4 de setembre de 1870, venguèt donc adjonch dau premier cònsol dau IVen arredoniment de la capitala. Puei, lo 26 de març de 1871, foguèt elegit membre de la Comuna. Faguèt partida de quatre comissions : la Comission dei relacions exterioras après la proclamacion de la Comuna, la Comission dau trabalh, industria e cambi lo 6 d'abriu, la Comission dei subsisténcias lo 21 d'abriu e enfin la Comission de l'ensenhament lo 4 de mai. Lo 1èr de mai, votèt contra la creacion dau Comitat de Salut Public e après la Setmana Saunosa, s'exilièt en Soïssa. I escriguèt « L'État et la Révolution » (1877) e una « Histoire populaire et parlementaire de la Commune de Paris » (1878). Tornèt en França en 1880.