Arrajon
Arrajon (Arrayou en francés) qu’ei ua anciana comuna occitana de Bigòrra (Gasconha) annexada en 1965 per Era Hita. Administrativament qu’èra situada dens eth departament deths Hauts Pirenèus e era region de Mieidia-Pirenèus deth estat francés. Eth son còdi estatistic qu'èra 65030.
Toponimia modificar
Era prononciacion qu'ei [arra'you] (grafia fonetica deths autors). Eras fòrmas ancianas que son: De Raio en 1313, De Rayoo en 1342, de Arrayoo en 1379, Arrayon, Arrayo en 1429, Artalens en 1459, Arrayoo en 1760, Arrajou en 1790 Arrayon (mapa de Cassini, ara fin deth sègle XVIII)[1].
Segon Dauzat, Arrajon que vien deth gascon arralhoû, « calhau rotlat », o arralhous, « peirós »[2]. Segon Negre e R. Aymard, Arrajon que vien deth gascon arrayòu, « raionament deth sorelh, lòc on eth sorelh arraja »[1].
Segon Miquèu Grosclaude, Dauzat qu'a con·honut duas consonantas diferentas, [ʎ] e [j]. Eth etime qu'ei eth latin radium dab eth sufixe -onem, « arrai de sorelh », donc arrajon en gascon. Eth nom que s'explica per era situacion deth vilatge sus un penent plan ensorelhat.[1]
Lenga modificar
Arrajon qu’ei de dialècte gascon dab eth article pirenenc. Dita: "Eras crabas d’Arrajon non son bonas ni ar’ompra ni ara calor".[1]
Referéncias modificar
- ↑ 1,0 1,1 1,2 et 1,3 Michel Grosclaude et Jean-François Le Nail, Dictionnaire toponymique des communes des Hautes-Pyrénées intégrant les travaux de Jacques Boisgontier, Conseil Général des Hautes-Pyrénées, 2000 https://www.archivesenligne65.fr/article.php?laref=886&titre=arrayou-lahitte
- ↑ Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 29