L'Arpa de Marazzoli o Arpa deu Palazzo Barberini qu'ei un exemplar d'arpa tripla de l'epòca barròca, bastida entaus Barberini.

Musèu deu Palazzo de Barberini
Arpa de Marazzoli
Allegoria alla Musica, Lanfranco, Palais deus Barberini

Tan vau díser que's tracta d'ua de la purmèras arpas cromaticas capablas d'interpretar totas las tonalitats, per'mor d'ostentar tres rengadas de còrdas : duas exteriorias identicas, a dreta e a esquerra (entà que siin autan accessiblas entà ambs mans), correspondent a las nòtas de la gama de Do Major (equivalentas de la tòcas blancas deu clavier deu piano) e ua au dehens, entà los miei tòns intermediaris (equivalentas a las tòcas negras).

Que ho comandada per la familha papau Barberini, qui e'n ostenta l'escut de tres abelhas juson, que ho auhèrta a l'arpista e compositor d'Antonio Barberini : Marco Marazzoli, qui, en reconeishement de l'empara constatnta qu'equeth e 'u provesí, la tornè au son mèste en eretatge a la soa mort. Qu'ei atau quin, enqüèra au día de uei, e demòra tostemps hens lo Palazzo Barberini a Roma.

Lo pintre Giovanni Lanfranco que la representè dens lo son tablèu Allegoria della Musica o Venus jogant l'arpa, hèit justament entà Marazzoli e qui tanben ondra lo medish Palais deus Barberini.