Arminius
Arminius (vèrs 17 avC - vèrs 21 apC) es un cap de guèrra de la tribü dei Queruscs famós per aver comandat l'armada germanica que destruguèt tres legions romanas a la batalha de la Seuva de Teutoborg en 9 apC. Aquela batalha marquèt lo limit de l'expansion territòriala romana en Germania amb l'adopcion de Ren coma frontiera per Roma. Après aqueu succès, Arminius capitèt de resistir a plusors incursions romanas, menadas per lo generau Germanicus, avans d'èsser assassinat per de rivaus que crenhavan sa poissança.
En causa de son ròtle dins lo mantenement de l'independéncia dei pòbles germanics, la literatura alemanda lo transformèt en eròi nacionau. Lo procès culminèt au sègle XIX amb l'afiermacion dau nacionalisme alemand e durèt fins ais ans 1930[1].