Arièja (cançon)
Arièja, ò mon país es l'imne del país ariegés. Foguèt escrit pel curat de Miglòs, l'abat Maurin-Sabàs.
Arièja!
Arièja! Ò mon país!
Ò tèrra tant aimada
Maire tant adorada
De près, de luènh, totjorn
Ton nom me rejoís.
Arièja! Ò mon país!
Aimi d'amor tas montanhas supèrbas
L'ivèrn lor met un blanc abilhament
Mès dins l'estiu demest las nautas èrbas
Les anhelons reguitnan fòlament
Aimi tanben tas campanhas polidas
Ont tot prospèra, e la vinha e les blats
Tos rius d'argent, e tas pradas floridas
E tos planèls de bòsques coronats
Per l'auselon, fasca solelh o pluèja
Le pus bèl nis serà totjorn le sieu
Som Ariegés! Daissatz-me mon Arièja
Cap de país n'es polit coma'l mieu
Ò mon país tan doç a ma memòria
Ton nom aimat es gravat dins mon còr
Ont som nascut, Dieu vèrga que me mòria
Jol mieu cèl blu qu'aimi lo solelh d'aur.